Әке – шаңырақтың тірегі Халқымыздың: «Әке – асқар тау, ана – баурайындағы бұлақ, бала – жағасындағы құрақ» деген сөзінде отбасындағы әке мен ананың рөлі айқын көрініс тапқан. Әкені асқар тауға теңеуінде үлкен мән жатыр. Яғни, бала тау қопарар тәуекелді, батылдық пен өрлікті, асқақтықты, ата кәсіпті әкенің болмысынан, мейірімділікті шешенің ыстық ықыласы мен аялы алақанынан бойына сіңіріп өседі.